សេចក្តីប្រកាសព័ត៌មានស្តីពីការដកហូតអាជ្ញាប័ណ្ណ និងការបញ្ចប់ការជម្រះបញ្ជីរបស់គ្រឹះស្ថាន ហួយវ័ន ផេ ម.ក
នៅថ្ងៃទី១ ខែធ្នូ ឆ្នាំ២០២៥ ធនាគារជាតិនៃកម្ពុជា បានចេញសេចក្តីថ្លែងការណ៍បញ្ជាក់ថា គ្រឹះស្ថានផ្តល់សេវាទូទាត់សងប្រាក់ ហួយវ័ន ផេ ម.ក (HUIONE PAY PLC.) ត្រូវបានដកហូតអាជ្ញាប័ណ្ណតាំងពីខែកញ្ញា ឆ្នាំ២០២៤ និងបានបញ្ចប់ដំណើរការជម្រះបញ្ជីរំលាយគ្រឹះស្ថានជាស្ថាពរនៅថ្ងៃទី១៩ ខែមិថុនា ឆ្នាំ២០២៥។ ជាមួយគ្នានេះ ធនាគារជាតិបានព្រមានដល់សាធារណជនឱ្យមានការប្រុងប្រយ័ត្នខ្ពស់ចំពោះការជួញដូរ ឬទូទាត់ទ្រព្យសកម្មគ្រីបតូ (Crypto Assets) ដែលជាសកម្មភាពខុសច្បាប់ និងបង្កហានិភ័យដល់ប្រព័ន្ធធនាគារ។ ធនាគារជាតិក៏បានបញ្ជាក់បន្ថែមថា មកទល់ពេលនេះ មិនទាន់មានគ្រឹះស្ថានធនាគារ ឬហិរញ្ញវត្ថុណាមួយនៅកម្ពុជា ទទួលបានការអនុញ្ញាតឱ្យផ្តល់សេវាពាក់ព័ន្ធនឹងទ្រព្យសកម្មគ្រីបតូនៅឡើយទេ។
ធនាគារជាតិនៃកម្ពុជា
